ХОТ БАЙГУУЛАЛТ ЕРӨНХИЙ ТӨЛӨВЛӨГӨӨНИЙ ТАЛААР
Баянхонгор хотыг 2013-2033 он хүртэл хөгжүүлэх хөгжлийн ерөнхий төлөвлөгөө боловсруулах ажлыг 2013 оны 08 дугаар сард БНСУ-ын “Сүсон Инженеринг” ХХК-тай Улсын төсвөөс 737.9 сая, орон нутгийн төсвөөс 200.0 сая нийт 937.9 саяын гэрээ байгуулж ажилласан. Ерөнхий төлөвлөгөө боловсруулах ажлыг БХБЯ-ны мэргэжлийн зөвлөлийн хурлаар оруулж, БХТ-ийн экспертүүдээр хянагдаж магадлалын ерөнхий дүгнэлт гарсны үндсэн дээр 2017 оны 01 дүгээр сарын 20-нд аймгийн ИТХ-ын хуралдаанаар хэлэлцүүлж батлагдсан.
Баянхонгор хотын Хөгжлийн ерөнхий төлөвлөгөө боловсруулах зургийн даалгаварт орон сууцны хорооллын хэсэгчилсэн ерөнхий төлөвлөгөө боловсруулах даалгаврын дагуу “Амины орон сууцны “Залуус” хорооллын хэсэгчилсэн ерөнхий төлөвлөгөө”-г 54,8 га талбайд инженерийн шугам сүлжээнд холбосон 386 айлын тохилог хотхон байхаар төлөвлөсөн.
Хэсэгчилсэн ерөнхий төлөвлөгөөний гол зорилго нь тухайн нутаг дэвсгэрт байгаа гэр хорооллыг дахин төлөвлөх зарчмаар инженерийн шугам сүлжээнд холбогдсон амины орон сууцны хороолол болгож хүн амын амьдрах нөхцөлийг сайжруулахад оршино.