“ШИНЭ СУУРЬШЛЫН БҮС”-ИЙН ХЭСЭГЧИЛСЭН ЕРӨНХИЙ ТӨЛӨВЛӨГӨӨНИЙ ТАЛААР

Аймгийн Засаг даргын 2016-2020 он хүртэл хөгжүүлэх үйл ажиллагааны мөрийн хөтөлбөр, Аймгийн ИТХурлын Тэргүүлэгчдийн хуралдааны 2017 оны 02-р сарын 09-ны өдрийн 25 тоот “Шинэ суурьшлын бүс” байгуулах ажлын хэсэг байгуулах тухай тогтоол.

Аймгийн ИТХурлын дарга Ц.Отгонбаярын 2018 оны 2-р сарын 08-нд баталсан “Шинэ суурьшлын бүс байгуулах хэсэгчилсэн ерөнхий төлөвлөгөө боловсруулах зургийн даалгавар”-ыг үндэслэн Баянхонгор сумын Нисэх буудлын хамгаалалтын зурвасын баруун талд, Баянхонгор хотын Хөгжлийн ерөнхий төлөвлөгөөний дагуу 320 га газарт төлөвлөлт хийлгэхээр Хот байгуулалт  барилгын зураг төслийн “ХБХДТ” ХХК-тай гэрээ байгуулан ажиллаж байна.

Аймгийн төвийн хөгжлийг хурдасган, шинэчлэн зохион байгуулах замаар илүү үр ашигтай орчин үеийн дэвшилтэд технологийг ашиглан тээвэр, дэд бүтцийн оновчтой шийдэл, сүлжээ бүхий шинэ суурьшлыг бий болгох зорилгын хүрээнд Баянхонгор хотын баруун урд талд 320 га талбайд 2126 өрхийн нийт 7441 хүн ам суурьших ба Засаг захиргаа, нийгмийн үйлчилгээний барилга байгууламж, амины орон сууц болон нийтийн орон сууцны барилга байгууламжуудыг төлөвлөж байна.

Шинэ суурьшлын бүсийн хэсэгчилсэн ерөнхий төлөвлөгөөний ажлыг 2018 оны 2-р сарын 12-нд “Шинэ суурьшлын бүс” байгуулах ажлын хэсгээр хэлэлцүүлж, 2-р сарын 25-нд Баянхонгор сумын иргэдээр, 2-р сарын 26-нд сумын ИТХ-ын хуралдаанаар хэлэлцүүлж төлөвлөлтөд оруулах санал, өөрчлөлтүүдийг хийж ажилласан.

Мөн 2018 оны 04 дүгээр сарын 25-нд аймгийн Засаг даргын зөвлөлийн хурлаар Шинэ суурьшлын бүсийн хэсэгчилсэн ерөнхий төлөвлөгөөг хэлэлцүүлж дэмжигдсэн.